2025 წლის თვითმმართველობის არჩევნებისთვის პრემიერმა მესტიის მერობის კანდიდატად მოქმედი მერი, კაპიტონ ჟორჟოლიანი წარადგინა.
რამდენიმე დღეში კი „ქართული ოცნების“ მესტიის საარჩევნო შტაბში, ადგილობრივ აქტივს სამეგრელო-ზემო სვანეთის სახელმწიფო რწმუნებულმა დავით ვერავამაც წარუდგინა მოქმედი მერი.
ვერავას თქმით კაპიტონი მოქმედი მერია და შესაბამისად გამოცდილი კადრი. კარგად იცის მესტიის პრობლემები და საჭიროებები. ძალიან ბევრი გააკეთა მესტიისა და მესტიელებისთვის, ამიტომაც ძალიან დიდი მხარდაჭერით სარგებლობს მოსახლეობაში. ჩვენ ერთობლივად, ცენტრალური ხელისუფლების მხარდაჭერით მოვახდენთ მნიშვნელოვანი და მოქალაქეების ინტერესებსა და საჭიროებებზე მორგებული პროექტების განხორციელებას-ამბობს ვერავა.
ადგილობრივებთან ერთად შეხვედრას პარლამენტის წევრი ვიქტორ ჯაფარიძე, რწმუნებულის პირველი მოადგილე ნინო ვიბლიანი, საკრებულოს თავჯდომარე-მაიზერ ჯაფარიძე და „ქართული ოცნების” სამეგრელო-ზემო სვანეთის რეგიონული კოორდინატორი დავით გვიშიანი ესწრებოდნენ.